Markaðsvætt ofbeldi gegn konum – ræða Tönju Rahm I

Þegar maður elst upp í heimi þar sem þú sem stúlka eða ung kona getur ekki fundið fyrir öryggi því svo mörgum karlmönnum finnst þeir hafa réttinn til að misnota börn og ungar konur, brýtur það þig niður sem manneskju. Þú ert heilaþvegin til að halda að þú hafir ekki réttinn til að segja NEI, að þú hafir ekki réttinn til þinnar eigin kynverundar, að kynverund þín sé eign karla hvenær sem þeim finnst þeir hafa þörf fyrir hana. Mitt val til að fara í vændi var ekki svo frjálst, því mér fannst ég ekki eiga sjálfa mig eða mína eigin kynverund.