Laufblöð lastarans

Höfundur: Gísli Ásgeirsson

 

Lastaranum líkar ei neitt

lætur hann ganga róginn.

Finni hann laufblað fölnað eitt

fordæmir hann skóginn. (St. Th)

 

Eva Hauksdóttir, aðgerðasinni og álitshafi, ritar pistla á Eyjuna en heldur einnig út eigin bloggsíðu. Hún hefur einkum fjallað um femínisma á sínum forsendum og finnur femínistum flest til foráttu. Femínistar vinna að hennar sögn á móti mannréttindum, vilja lögfesta mannréttindabrot og snúa við sönnunarbyrði í kynferðisbrotamálum. Vegna áróðurs femínista er réttarkerfið víst þegar farið að brjóta gegn mannréttindum. Eva vill síst af öllu fá kynjafræði inn í skólana, þar sem slíkur ófögnuður mun vera gervivísindi og trúarbrögð, enda ku femínistar í heild sinni vera eins og sértrúarsöfnuður. Femínismi er nefnilega fasismi með píku. Heimildir fyrir þessu má finna í rúmlega hundrað pistlum Evu um femínisma og ummælum hennar á netinu.

Eva hefur löngum kvartað undan því að gagnrýni hennar sé ekki svarað. Halda mætti að málflutningur hennar sé skotheldur fyrir vikið en þar sem landsþing femínista hefur ekki enn verið kallað saman, hefur dregist úr hömlu að skipa nefnd eða vinnuhóp í þetta mál. Hér er viljandi farið með alhæfingar því Evu hættir til að heimfæra það sem einstaklingar segja upp á heildina. Fyrir vikið verður gagnrýni hennar eins og laufblöð lastarans. Allur skógurinn er fordæmdur.

Í nýlegum pistli tínir Eva til nokkur dæmi um ofstæki femínista. Flest atriðanna halda reyndar ekki vatni þegar grannt er skoðað og með illum huga mætti kalla þennan samtíning nokkur dæmi um hennar eigið ofstæki. Lítum á nokkur dæmi þar sem fullyrðingar pistilshöfundar um ofstæki femínista eru tölusettar.

1.      Aðstoðarmaður innanríkisráðherra berst markvisst gegn foreldrajafnrétti.

Í athugasemd segir EH einnig:

…Halla Gunnarsdóttir hefur virkilega lagt sig fram um að standa í vegi fyrir dómaraheimild til að dæma fólk til sameiginlegrar forsjár sem félag um foreldrajafnrétti hefur barist fyrir.

Þetta er grafalvarleg fullyrðing og var pistilshöfundur beðinn um heimildir og rök, enda tilefni til afsagnar eða brottvikningar ef aðstoðarmaður ráðherra beitir sér á þennan hátt gegn fólki. Í uppfærðri útgáfu pistilsins var vísað á grein á bloggsíðu Höllu Gunnarsdóttur.

Þar segir m.a.

Í gær fór fram umræða á Alþingi um frumvarp til nýrra barnalaga. Verði frumvarpið að lögum verða grunngildi Barnasáttmála Sameinuðu þjóðanna lögfest og réttarstaða barna styrkt til muna, ekki síst barna sem deilt er um forsjá yfir og umgengni við. Sátt er lykilhugtak frumvarpsins og aðkoma hins opinbera að deilum mun miða að því að aðstoða foreldra við að ná sátt, vegna þess að sátt er best fyrir börnin. Málefni barna eiga ekki heima inni í farvegi átaka, heldur farvegi sáttar.

Halla fjallar síðan um dómaraheimildina svonefndu sem var umdeild á þessum tíma, virðist frekar vera mótfallin henni og rekur ókosti við hana en kveðst einnig bera virðingu fyrir ólíkum sjónarmiðum og hvetur til afgreiðslu frumvarpsins, „sem felur í sér veigamiklar réttarbætur fyrir börn“ og þar sé margt mikilvægt að finna.

Er þetta sem sagt að „berjast markvisst gegn foreldrajafnrétti?“

 2.      Þráinn Bertelson flokkaður sem kvenhatari fyrir að flokka dónabréfaskrif JBH sem dómgreindarbrest fremur en kynferðisglæp.

Hér nægir að benda á það sem ÞB sagði orðrétt á FB:

kshk

Lesendur geta væntanlega metið hvoru megin ofstækið liggur.

 3.      Sérstök bloggsíða stofnuð í þeim eina tilgangi að hæðast að stúlkum og ungum konum sem hafa áhuga á tísku.

Í athugasemd segir pistilshöfundur: „Hér er beinlínis verið að gera lítið úr stúlkum sem hafa áhuga á tísku og í ljósi þess að feministar hafa ekki tekið gríni sem beinist gegn konum vel nema þegar það er einhver úr ykkar hópi er það frekar ömurlegt.“

Tískubloggið, sem hér er vísað til, er ádeila/gagnrýni á útlitsdýrkun og fjallar oft um svonefndar útlitssíður. Þetta hefði pistilshöfundur séð með lestri á nokkrum færslum. Ef ádeila og gagnrýni er lagt að jöfnu við ofstæki, er orðið vandlifað. En hver hefur víst sinn smekk.

4.      Fullyrðingar um að ég sé í herferð gegn þolendum kynferðisofbeldis með því að benda á það geti leitt til dómsmorða að slaka á sönnunarkröfum og skilgreina nauðgun á upplifunarforsendum.

Í athugasemdum við pistilinn segir Eva:

Feministar ERU í baráttu gegn mannréttindum. Ég hef margsinnis beðið um skýringar á því hvernig það er ekki krafa um öfuga sönnunarbyrði að taka upplifun meints þolanda sem sönnun en aldrei fengið nein svör.

Í þessu tilfelli er laufblaðið (heimildin) eitt nafnlaust blogg. Ekki sameiginleg ályktun femínista. Röksemdir fyrir þessari fullyrðingum pistilhöfundar munu felast í fimmfluttu frumvarpi til laga um breytingar á hegningarlögum, sem hefur nú dagað uppi. Staðreyndin er hins vegar sú að forsendur dómskerfisins eru óbreyttar. Ákæruvaldinu ber að sanna sekt, ekki öfugt. Upplifun sker ekki úr um sekt eða sakleysi. Þessari grundvallarforsendu dómskerfisins verður varla breytt á næstunni, þrátt fyrir ítrekaðar fullyrðingar pistilshöfundar um að femínistar stefni að því ljóst og leynt. Vitleysa verður ekki að staðreynd þótt hún sé margtuggin.

Kynferðisbrotamál eru alltaf erfið því oftast eru engin vitni og orð standa gegn orði. Í ljósi þeirrar umræðu um kynferðisbrot á börnum sem nú logar í samfélaginu eftir umfjöllun Kastljóssins má velta fyrir sér mati pistilshöfundar á þeim. Nafngreindur maður var og er sakaður um barnaníð. Þar voru og eru engar sannanir fyrir hendi, aðeins orð þolenda og hugsanlega sálfræðilegt mat á andlegri líðan/áföllum, sem pistilshöfundur hefur hingað til gefið lítið fyrir, enda ekki byggt á vísindalegum staðreyndum, heldur svonefndri „upplifunarforsendu.“ Til að gæta hlutleysis verður að segja „meintir þolendur.“ Rangar sakargiftir eru auðvitað háalvarlegt mál. Ef framburður þolenda verður jafnan afgreiddur með þessum hætti, halda „meintir“ brotamenn áfram að ganga lausir.

Auglýsingar

49 athugasemdir við “Laufblöð lastarans

  1. Kærar þakkir fyrir þennan pistil. Mig langar að dýpka aðeins þetta með tískubloggið. Tískublogginu er ekki og hefur aldrei verið beint gegn lesendum eða áhugafólki um tísku, heldur gegn tískumiðlum ýmsum, sem geta oft verið mjög valdsmannslegir í framsetningu efnis og þar sem grunnstefið er að konan sé ekki ánægð nema hún sé aðlaðandi og þá ávallt á mjög staðlaðan hátt sem hávaxin og grönn.

    Líkar við

  2. Feministar hafa þó úr mörgum áttum haldið því fram að rétt sé að meira vægi sé gefið framburði sálfræðings/geðlæknis.

    Ef slíkt væri gert , þá væri alveg eins hægt að spurja prest eins og í Salem á sínum tíma… því fagfólk (hvort sem það eru rannsóknarlögreglumenn, FBI menn, CIA menn, Sálfræðingar, Geðlæknar eða prester) prófast vera með rétt yfir 50% hit-rate í þeim tilraunum sem gerðar hafa verið á þeim um getu þeirra til að greina lyga frá sannleika. (þ.e. rétt yfir giski)

    Að taka meira mark á fagfólki sem ekki voru vitni, er því að sjálfsögðu ígildi öfugrar sönnunarbyrði.

    En ég er mjög feginn að margir feministar komi fram og hafni þessum klausum sem Eva telur upp.. Því svo sannarlega hef ég heyrt margar þessar klausur á síðustu árum, og erfitt var fyrir mig að ímynda mér að feministar væru ekki sammála þeim, þar sem ekki nokkur mótmælti neinu af þessu, og töluvert margir deildu þessum pistlum sem um ræður og like-uðu

    Það er mjög gott að stafest sé að slíkar hugmyndir eru ekki í hávegum hafðar í feminískum umræðuhópum.

    Líkar við

    • Ég tek alveg mark á því… það er soldið þannig að bara þær skoðanir sem æsa fá umfjöllun í þessum íslensku troll fjölmiðlum… oft eru þær skoðanir déskotans húmbúkk, þó þær taki afstöðu með góðri og gildri hugmyndafræði.

      Líkar við

      • Já í raun.. Allar lífverur sem ekki eru útdauðar hafa þróað með sér að veita hættum (adrenalín inducing) meiri athygli en góðum hlutum.. Lífverur sem hrökkva útaf helling af false-positives, eru líklegari til að lifa af heldur en lífverur sem eingöngu forðast hættur að vel athuguðu máli. Tígrisdýr virðir ekki yfirvegaða skoðun og umræðu, og reyndar gera samfélög það ekki alltaf svo mikið heldur, en við ættum að stefna að slíku samfélagi.

        Líkar við

  3. Mér þykir ekkert ótrúlegt við að pistlahöfundur sem tilbúinn er að vera contrarian um hita málefni hafi aðgang að fjölmiðlum… útá það ganga þessir fjölmiðlar

    Og ég sé ekki að Eva hafi fengið eitthvað meiri aðgang/athygli en annað fólk með fátt annað en hyperboly í boði – , Nefni Maríu Lilju, Hildi og Sóley Tómas sem dæmi.

    Blöðin græða á að egna þessu fólki saman, og leyfa sér annsi mikið fullir af sjálf-réttlætingu eins og pistlar Reynis Trausta eru staðfesting á

    Líkar við

  4. Hef oft velt fyrir mér af hverju Eva hefur svona mikla þörf fyrir að beita sér sérstaklega GEGN femíniskri hreyfingu eins og hún leggur sig. Kannski til að ganga í augun á andfemíniskum mönnum? Ekki á hún stóran aðdáunarhóp af hinu kyninu alla vega… Merkilegt að hún skuli vilja keyra bíl og vera í skóla þar sem þau réttindi eru afrakstur baráttu kvenréttindakvenna, eða femíniskrar hreyfingar til forna.

    Líkar við

  5. Og eitt varðandi skort á svörun eða mótmælum femínista við hugmyndum og fordómum eins og þeim sem spretta frá Evu Hauksdóttur þá segi ég tala ég nú bara fyrir sjálfa mig (femínistar eru jú einstaklingar) og ég persónlega kýs að taka ekki þátt í umræðuni á þessu plani. Skrifin hennar eru svo ýkt og bera svo sterk merki um algjöra fáfræði, fordóma og viljaskort á að skilja raunverulegt sjónarmið femínisma að það er algjör tímasóun að gefa þessu nokkurn gaum.

    Líkar við

    • Svala… ég skal bara alveg taka þig á orðinu með að það eigi við um þig , en feministar almennt á íslandi geta ekki falið sig á bakvið það að þeir vilji ekki taka þátt í ýktum og fordómafullum umræðum byggðum á fáfræði… miðað við hvað hefur gengið á síðustu allavega tvö ár. Bigotry eins og t.d. auglýsingarherferð undir yfirskriftinni „karlmenn nauðga“ gefið út af stígamótum sjálfum og like-að af allavega 5000 feministum er t.d. dæmi um slíkt.

      Hvernig væri það ef eitthvað félag á íslandi myndi til dæmis setja af stað herferð sem segir „múslimar eru hryðjuverkamenn“ ?

      Og athugaðu að þar er verið að alhæfa um minni hóp heldur en hálft mannkyn.

      Líkar við

      • Ég hef stundum heyrt þessa auglýsingaherferð nefnda, þessa undir yfirskriftinni „Karlar nauðga“, og reynt að spyrjast fyrir um hvenær þetta hafi verið og hver hafi staðið fyrir þessu, en aldrei fengið neitt traustara en orðróm. Ertu með link á eitthvað um þessa herferð, Leifur? Er þetta ekki einhver þjóðsaga?

        Líkar við

      • Ég er ekki með link nei… en þetta plakat var sett í strætó sem ég fór með reglulega fyrir all nokkrum árum… með undirskrift frá Stígamótum.

        Ég giska að það séu nálægt tíu ár síðan – þ.e. fyrir þá týð að allt svona var póstað á netinu.

        Það fer allavega ekkert á milli mála að þetta var gert.

        Líkar við

      • Mál eru tekin upp aftur og aftur í þessari umræðu.. eins og t.d. blogg Egils og fleira… ég tók síðan fram sem dæmi um að feministar læka oft við slík ummæli, mynd sem Sóley Tómas póstaði, með nákvæmlega sömu skilaboðum, það var á fleygiferð um facebook um jólinn (falleg skilaboð það) í algjöru læk-fest á milli feminista.

        Það er hjákátleg afneitunin hjá feministum þessa dagana yfir öllu sem þeirra vinsælustu postular hafa látið úr sér síðustu árin, en það er engu að síður af hinu góða… það er gott að histerían sé að dala og að þessi hópur þykist ekki kannast við ummæli sem einhverstaðar eru bókað skjalfest, þó ég sé vissulega ekki undirbúinn sem saksóknara í þessu litla netspjalli.

        Líkar við

      • Leifur, þú hefur ekki sýnt eitt einasta dæmi um femínista að læka á fullu skilaboðin „karlar nauðga“. Jólasveinamyndin sem þú linkaðir á var á margra ára gömlu bloggi Sóleyjar Tómasdóttur, líklega frá 2007. Þá voru ekki svo margir komnir á Facebook og like-fídusinn ekki kominn. Hafi verið lækfest yfir einhverri mynd núna um síðustu jól þá hefur það alla vega farið fram hjá mér en væntanlega er hægur leikur fyrir þig að finna svo nýlegt dæmi og sýna.

        Hér má svo sjá fiskisöguna um „Karlar nauðga“ fara af stað í umræðum um karlahóp Femínistafélagsins fyrir Verslunarmannahelgina 2003. Þarna er verið að ræða um herferð þeirra og fólk ræðir fram og til baka hvort „karlar nauðga“ eða „strákar nauðga“ sé í lagi sem slagorð. Á blaðsíðu 3 eða 4 af umræðum fattar einhver loksins að slagorðið er bara alls ekkert þetta heldur eitthvað allt annað, nefnilega „Nauðgar vinur þinn?“. Úpps! http://www.malefnin.com/ib/index.php?showtopic=541&st=0

        Gegnum árin hef ég stundum séð því haldið fram að „Karlar nauðga“ hafi verið eitthvert slagorð hjá einhverri femínistahreyfingunni (það er breytilegt hver það á að hafa verið) en ég hef aldrei nokkurn tíma séð vísað í neinar heimildir því til stuðnings. Það er talað um það sem eitthvað sem „allir vita bara“.

        Líkar við

      • Af hverju má ekki fullyrða að karlmenn nauðgi Leifur og kyngera þannig vandamálið sem nauðganir eru? Samkvæmt wikipediu eru 99% nauðgara karlkyns. Efast um að auglýsingaherferðin vilji meina að allir karlmenn nauðgi.

        Líkar við

      • Svala…Þetta er eins og með brandarana sem feministar kvarta yfir … það má svosum grínast með allt , en það er ekki sama hvernig það er gert. Þegar greinar hafa engann annan tilgang en að æsa og ausa bigotry þá er það ekki í lagi… Auglýsingarherferðin var algjörlega þannig.

        Líkar við

      • Jæja nú hefur ýmislegt komið í ljós með þessa „auglýsingaherferð“ sem þú vitnaðir í upphaflega og sem reyndist svo ekki hafa verið á vegum Stígamóta. Mig langar að taka það fram að ég veit ekkert um þessa herferð sem þú nefndir, hef aldrei heyrt hennar getið og er þar að leiðandi ekki að verja hana neitt sérstaklega. Hins vegar bendi ég á að það er í langflestum tilvikum karlmenn sem nauðga. Fórnalömbin eru ýmist kvenkyns eða karlkyns. Slagsíðan er ansi kröftug hvað varðar kynjahlutfall fórnarlamba samt sem áður. Auðvitað er ekki hægt að vera með nákvæmar tölur á hreinu þar sem allir kæra ekki nauðgun. Það á við bæði konur og karlmenn. Allar konur kæra ekki heldur nauðgun sem þær verða fyrir. Því er 99% talan sem kemur fram á wikipedia ekkert svo fjarri vísbending um stöðuna eins og hún liggur fyrir. Mér finnst alltaf svolítið leiðinlegt þegar að fólk vill ekki viðurkenna þessar tölfræðilegu staðreyndir eða reynir að draga úr þeim með einhverjum hætti. Ef þessi skilaboð „Karlmenn nauðga“ voru uppi fyrir 10 árum síðan, þá er samhengið annað. Nauðgun var tabú fyrir 10 árum og það mátti varla nefna þetta eða rjúfa þögnina. Stígamótakonur voru vælukjóar og karlhatarar og fordómarnir rosalegir. Ég hefði samt eins og aðrir hafa bent á viljað sjá umrædd plakat því það hljómar svo rosalega „far out“.

        Líkar við

      • Ég spurðist fyrir um þetta hjá Stígamótum gegnum konu sem ég þekki sem vinnur þar. Þar kannast enginn við neina „Karlar nauðga“-herferð. „Leifur Þórarinsson“ skrifar svo greinilega undir fölsku nafni (nema hann sé annað hvort látinn og skrifi að handan eða tæplega tveggja ára og þar með einstaklega bráðger – skv. upplýsingum í Íslendingabók) þannig að ég vil fara varlega í að treysta hans skýru og glöggu minningum um þetta.

        Líkar við

      • Þú sagðir að 5000 femínistar hefðu lækað einhverja herferð Stígamóta undir yfirskriftinni „Karlar nauðga“. Núna hefur það breyst í að 5000 femínistar (kom það fram í gegnum lækin, sem ég geri ráð fyrir að hafi verið Facebooklæk, að allir væru femínistar?) hafi lækað einhverja grein um Egil Einarsson. Tengdist hún einhverri herferð hjá Stígamótum? Fól hún í sér staðhæfinguna „Karlar nauðga“? Ég skil ekki. Þú hlýtur nú að geta linkað á þetta ef þetta er grein sem hefur birst nýlega.

        Líkar við

      • Eg biðst forláts á að hafa blandað þessu tvennu saman… Ég man eftir grein sem fullyrti þetta nýlega, einmitt með svona rökum eins og Svala hér fyrir ofan kemur með , ekki í beinum tengslum við Gillsmálið, en ég túlkaði hana allavega sem partur af því fári. ‘Eg setti link um fullt af slíkum greinum hér fyrir ofan. Ég man þetta ekki betur en svo, enda skoðar maður helling af greinum..

        En ef þú trúir þessu ekki, þá skulum við bara láta það liggja á milli hluta.

        Það er allavega augljóst að stígamót fóru í þessa herferð og það er augljóst að þetta er algeng orðræða hjá feministum, og oft heyrir maður rök eins og hennar Svölu hér fyrir ofan

        Líkar við

      • Meðan við höfum ekkert annað en þín orð, Leifur, fyrir því að Stígamót hafi farið í herferð með yfirskriftinni „Karlar nauðga“ þá ætla ég að leyfa mér að kalla það eitthvað annað en augljóst að það hafi gerst. Með fullri virðingu fyrir þínu minni þá getur slíkt verið gloppótt hjá okkur öllum.

        Það væri gott að fá link á greinina þar sem fullyrðingunni „Karlar nauðga“ er haldið á lofti og sem 5000 manns lækuðu. Ef linkurinn á „fullt af slíkum greinum“ sem þú nefnir eru leitarniðurstöðurnar sem þú linkaðir á þá er það bara ekki rétt hjá þér að hann vísi á slíkt. Eins og ég var búin að nefna þá vísar þetta allt saman á umfjöllun um eina og sömu meistararitgerðina sem bar titilinn „Af hverju nauðga karlar?“. Ég man eftir því að margir höfðu sitt hvað út á þann titil að setja á sínum tíma en hvað sem fólki finnst um titilinn þá er tæplega hægt að halda því fram að hann jafngildi því að haldið sé fram að allir karlar nauðgi.

        En reyndar hafði ég fyrst og fremst áhuga á að fá meiri upplýsingar um herferðina ógurlegu sem enginn hefur enn getað staðfest að hafi átt sér stað.

        Líkar við

      • Sóley Tómas póstaði t.d. þessu: http://soley.blog.is/img/tncache/500×500/85/soley/img/c_documents_and_settings_soleyt4859_desktop_askasleikir_387413.gif

        Ásamt miklu fleirum á FB

        Að ég geti ekki fundið link á eitthvað sem gerðist alveg örugglega áður en youtube var stofnað (2005) hvað þá imgur, segir voða lítið… ég get heldur ekki fundið ummæli tvíhöfða um margt sem allir muna samt eftir.

        En mér fynnst þessi afneitun soldið soviet … Það fer ekkert á milli mála að þessi plakata herferð átti sér stað… það má vel vera að þetta plakat fynnist ekki í dag bara svipað og plakatið hans Baltasars þegar hann vildi fara í borgarstjórn árið 1999 með yfirskriftinni ; „Baltasar, leiðir þig inní 20 öldina“ . Það er oft sem slíkir afleikir hverfa fljótt.

        Líkar við

      • Jú, ég man eftir þessum jólasveini og mér finnst hann ekki vel heppnaður. Þetta er þó ekki það sama og herferðin sem þú talar um. Sjálf bjó ég erlendis fyrir 10 árum og fylgdist því illa með íslenskum strætóplakötum á þeim tíma. Eins og þú segir þá segir það ósköp lítið, hvorki af né á, ef þú getur ekki komið með betri staðfestingu en þetta. Mér finnst undarlegt að kalla það afneitun að vilja ekki láta það duga sem staðfestinguna sem ég óskaði eftir að einhver ókunnugur maður á netinu segi að hann muni þetta glöggt. Ég hef hvergi neitað því að þetta hafi gerst, enda hef ég engar forsendur til þess, bara neitað að samþykkja þetta sem staðfestingu.

        Líkar við

      • Alltí lagi, ég hef kannski oftúlkað orð þín með að kalla það „afneitun“

        En þetta mál var rætt líka þá, varið af stígamótum (á svipuðum nótum og Svala gerir hér) og ég er satt að segja hissa að ég finni ekkert á tímarit.is… en það er þó alls ekkert óskiljanlegt (við erum fljót að gleyma hversu lélegt aðgengi var að upplýsingum þangað til bara fyrir 5-6 árum) En þetta var það mikið umrætt, og það lengi í strætó, að það er meira en lítið soviet ef öll feministahreyfingin eins og hún leggur sig kannast ekki við þetta.

        Líkar við

      • P.s. Ástæðan á að ég stend fastur á því að gloppótt minni mínu er ekki um að kenna.. er vegna þess að þetta angraði mig í hvert skipti sem ég fór í strætó… mér fannst þetta vera ófyrirleitið, troðfullt af hatri og fordómum, og efast stórlega að svona aðferðarfræði geri nokkuð gagn. Þetta er því meira greipt í minnið mitt heldur en bara einhver smáauglýsing eða grein sem ég las (þó styttra sé síðan)
        Ég man meir að segja svona þokkalega eftir plakatinu.. Það var dökkt (svart held ég) bara með stórum stöfum í miðjunni „karlmenn nauðga“ og síðan smátt letur neðst. Ég man líka eftir því að talsmaður stígamóta hafi sagt að þetta væri gert til að ögra (líklega í útvarpsfréttum)

        Líkar við

    • Ég sé þetta reyndar hvergi fullyrt í þessum leitarniðurstöðum. Þær efstu fjalla allar um eina og sömu ritgerðina sem bar titilinn „Hvers vegna nauðga karlar?“. Aðrar niðurstöður þarna eru textar þar sem orðið „nauðga“ og orðið „karlar“ koma bæði fyrir en hvergi er að finna fullyrðinguna „Karlar nauðga“. Ég get því ekki séð glöggt út úr þessu að fullyrðingin sé algeng.

      Líkar við

      • Ef þetta er jafn sjaldgæft og þú villt meina þá er það bara frábært.. Hún er allavega nógu algeng til að strax á ekki svo vinsælli blogg síðu er kominn einstaklingur sem ver slíkt atferli (Svala hér fyrir ofan)

        Líkar við

  6. En síðan er sú fullyrðing að 99% nauðgara séu karlkyns bara ekki rétt… það á bara við um kærðar nauðganir (og 99% er heldur hærra en talan sem ég heyrði síðast) … Staðalímyndirnar sem feministar tala um að herji engöngu á konur (og sé stýrt af feðraveldinu) gera mögulega það að verkum að karlmenn kæra miklu síður en konur, og sérstaklega ef kona nauðgaði þeim.

    Í þessari umræðu sem hefur verið undanfarin misseri höfum við strákarnir stundum rætt þetta. Óformleg könnun á mínum vinahópi leiddi í ljós að fleiri en 1 af hverjum 5 hefði í raun verið nauðgað… (þ.e. legið áfengisdauða í rúmi þegar einhver (í engum tilfellum kærasta) afklæddi þá og reið þeim)

    Enginn af þessum strákum leit á þetta sem neitt sérlega hræðilegan atburð gagnvart sjálfum sér… enginn vildi gera meira úr þessu en að kalla þetta „tæknilega“ nauðgun, og það var enginn með sérstakan kala til kvennanna

    Viðhorf fórnarlamba segja mikið um þá tölfræði sem við höfum á reiðum höndum.

    Líkar við

  7. Því miður finnst mér umræðan alltaf enda í þessu – karlar vs konur að rífast um orðræðuna í staðinn fyrir að ræða það t.d. af hverju fólk nauðgar, eða af hverju þetta og hitt er svona, fjölmiðlar osfrv, og hvernig getum við haft áhrif á að breyta því.

    Ég skil það bara mjög vel að körlum sé misboðið að sjá auglýsingar með slagorðinu „Karlar nauðga“! Ímynda mér að það sé eins og þegar ég heyri að konur sé druslur ef þær hafa gaman af kynlífi, eða sé auglýsingar um prinsessudót fyrir stelpur. Eða eins og um daginn ég var að versla karlmannsskyrtu með kæró og það var blettur í henni og afgreiðslukonan útskýrði fyrir MÉR (ekki honum) hvernig væri best að ná honum úr… „Karlar nauðga“ er alhæfing sem er meiðandi fyrir karlkynið, ekkert flókið.

    En já, mér finnst miður að umræðan endar alltaf í þessi sagði þetta og er á móti þessum og með hinum osfrv í staðinn fyrir að tala um hvað er að, og hvað er hægt að gera. Þurfum við ekki að sameinast um að búa til betra samfélagi þar sem fólk talar ekki niður til annarra og er ekki með skítkast? Og svo eru yfirleitt margar hliðar á öllum málum, hættum að vera svona þröngsýn… Það læra börnin sem fyrir þeim er haft ekki satt? Einelti í grunnskólum virðist stórt vandamál – eru krakkar ekki m.a. að apa upp eftir því sem þau heyra og lesa á internetinu?

    Fín grein annars, takk!
    Ég er femínisti og finnst óþolandi þegar því er haldið fram að ég sé þar með á móti körlum. Mér finnst margir karlar æðislegir. Það er náttúrulega bara svona einstaklingsbundið, eins og með konur…. 🙂

    Líkar við

  8. Það voru reyndar karlar í Feministafélagi Íslands sem stóðu á bakvið herferð undir yfirskriftinni „karlar nauðga“ fyrir verslunarmannahelgina árið 2003, ekki Stígamót.

    Líkar við

    • Það getur alveg passað, en ég man glögglega að þetta var varið af talsmanni stígamóta, sem var kona..

      Ekki það að vondar hugmyndir séu verri eða betri eftir því af hvaða kyni manneskjan sem básúnar þeim er .

      Líkar við

  9. Þetta fer sjálfsagt að virka eins og ég sé með þráhyggju en herferð karlahóps Femínistafélagsins um verslunarmannahelgina 2003 hét „Nauðgar vinur þinn?“. Ég man að það fór fyrir brjóstið á sumum sem þótti að sér vegið með þeirri hugmynd að þeir gætu átt slíka vini. Síðar var karlahópurinn svo með herferðina „Karlmenn segja NEI við nauðgunum“. Ég fæ því ekki séð að þetta sé sökudólgurinn. http://www.feministinn.is/hopar/karlahopur.htm

    Líkar við

    • Við sem kommentum hér erum öll með í það minnsta smá þráhyggju varðandi þetta málefni held ég Eyja 🙂

      En mér fannst það líka skrítið ef HKE hefði átt kollgátuna, af því að ég man eftir að þessar auglýsingar voru vel og lengi í strætó, alveg allavega góðan part af önn í skóla (og verslunarmannahelgin er náttrl ekki í gangi þegar ég er á leið í skóla í strætó)

      Svo engin fari að misskilja vil ég taka fram að ég er ekki haldin neinum ranghugmyndum um að feminismi í sjálfu sér sé ekki mikilvægt afl. Feminismi er líklega næst mikilvægasta afl í lýðræðisþróun síðustu aldar, bara á eftir afnámi og fordæmingu þrælahalds.

      Mér líkar hinsvegar ekki við bigots og demagogues sem fela fordóma sýna og þröngsýni á bakvið góð málefni. Slíkt fólk má finna í frelsisbaráttu blökkumanna í USA, og líka framalega í feminista baráttu á íslandi. (hvort sem þeir voru réttilega tilnefndir þangað eða ekki af sýnum hópi)

      Líkar við

      • Þetta fer nú að verða svolítið fyndið Leifur. Það stendur ekki steinn yfir steini í fullyrðingum þínum, þegar farið er að kafa ofan í sannleikann. Minnir óneitanlega á Evu nokkra, þá sjaldan ég nenni að svara henni 🙂

        Líkar við

      • Heldur vil ég líkjast henni en einhverri sem hefur jafn lítið til málana að leggja og þú. Það er ekki einu sinni á hreinu hverju þú ert að hafna.. svo innhaldslaust var þetta komment þitt. Eina sem þú virðist vilja koma á framfæri er að þér fynnist ég athlægilegur… mér minnir að Sóley hafi á sínum tíma kennt feðraveldinu um svoleiðis smættunar aðferðarfræði.

        Verði þér að því, ég hef ekki meira við þig að segja.

        Líkar við

  10. Askasleikir óskar þess að karlar hætti að nauðga.

    Heilög María óskar þess að mæður hætti að myrða.

    ,,Fæddi hún þá son sinn frumgetinn, vafði hann plasti og lagði hann í frysti.“

    Líkar við

  11. Þessi grein er eins og aðrar greinar öfga, sýna skrumskælingar í ýktri mynd hönnuð til að ýta á tilfinningalega takka eins og ræða eldklerka og öfgafólks.

    1) Málflutningur feminsta gagnvart körlum er ógeðslegur, sbr. „Karlar nauðga“ og „kynbundið ofbeldi“.

    2) Fórnarlambsvæðingin er ótvíræð og gegnsýrir allan málflutning. Enn frekar er gert eins og vandamál kvenna séu merkilegri og meiri en karla. Það hefur engin áhuga á slökum árangri dengja í námi, hárri sjálfsmorðstíðni karla eða það að 90% af afbrotum eru framin af körlum. Konur leiðast út í glæði og vændi, karlar eru vondir og þarf að refsta en ekki hjálpa eins og konum.

    3) Það er markvist unnið gegn foreldrajafnrétti af feministum, sem betur fer hefur Eva stungið á þessa umræðu en hún er þögguð niður af þeim sem þykjast vilja opna allar umræður, feminstar. Dæmi Evu er ekki eina dæmið, hver var t.d. mjög á móti nýlegu frumvarpi sem samþykkt var á alþingi núna fyrir jól og kom fram í Kastljósi?

    4) Óeðlileg inngrip í frjálsan markað eru að eiga sér stað og óeðlileg tilfærsla valda og áhrifa á frjálsum markaði sbr. kynjahlutföllum í stjórnir fyrirtækja. Þetta er bara sósíalismi eða dulbúinn valdboðs vinstri stefna sem skerðir frelsi allra. Þetta er tengt fórnarlambsvæðingunni og rök eins og að „karlar eiga 99% alls“ en því er auðvitað sleppt að þarna eru á ferðinni lítið brot af körlum sem eiga nánast og allir karla auðvitað eiga að gjalda þess.

    5) Tvískinningur og trúarbragðaofsi tengist allir umræðunni og þeir sem hafa málefnalega gagnrýnt feminismann verða fyrir mjög ómálefnalegum ásökunum. Feministar reyna að eigna sér góð málefni og þeir sem sem t.d. eru ekki sammála þeim styðja því nauðganir og að konur eiga ekki að fá að lesa, á þessum nótum eru rökin. Ekki er langt síðan að karlmaður var kallaður bara asni ef hann t.d. tjáði sig um kvenréttindi, fram hlupu feministadólgar sem sögðu hann sko ekkert eiga að vera að tjá sig um þessi mál því að karla vita sko bara ekkert um þau og svo framv.

    Þetta er bara brot af dólgshættinum, trúarbragðastílfæringunni og öfgunum sem einkennir feminsta, þegar svo á reynir og þeir lenda í alvöru rökræðum þar sem viðkomandi lætur ekki öskra sig úr leik situr ekkert eftir. Þessi grein er ekkert sérstök eða frábrugðin öðrum ræðum presta til sóknarbarna sinna hvað varðar lógík og rök, Gísli blanda þarna saman mjög ólíkum dæmum um t.d. Vigni og önnur mál þegar meintur gerandi neitar sök í kynferðismáli, Vignir er búinn að marg viðurkenna sök. Þetta er dæmi aðferð sem gagngert er til þess gerð að ýta á tilfinningalega takka en þegar betur er að gáð er ekki hægt að bera þessi dæmi saman, þarna er um a-týpíska uppstillingu „Með okkur í góða málefninu eða á móti okkur og ert vondur“. Þetta er frumstætt og ógafumannlegt og sýnir því að bakvið meintan góðan málstað og meint betra siðgæði feminsta er ekkert annað en pólitísk valdboðstefna í anda sósíalista og forræðishyggju. Andæstæðum enn frekara valdboði og forræðishyggju er svo stillt upp sem vinum nauðgara.

    Nú geri ég mér ekki eina einustu von um að þeir sem eru feminstar eða kunna vel svona málflutning eins og Gísla taki rökum mínum gildum en ég skrifa þetta hérna því það er kominn tími til að hin hógværi meirihluti íslendingi segi stopp. Það er hægt að ljá góðum málefnum lið án þess að vera öfgafullur, skerða frelsi fólks eða handstýra atvinnulífinu eins og í Sovétríkjunum og við eigum ekki að leyfa feministum að stilla okkur upp sem með eða á móti.

    Ég er á móti feminstum vegna öfga og vil meina að þeirra jafnrétti sé ekki jafnrétti eða frelsi, þegar á reynir eru feminstar gamaldags í viðhorfum sínum og kemur það strax í ljós þegar við tökum á frelsi fólks til að velja. Konur hafa haft sömu tækifæri og karlmenn á Íslandi í 30 ár og á einhverjum tímapunkti hættir þetta að vera liðakeppni og verður spurning um einstaklinginn og val hans.

    Ég á 2 stelpur og einn strák og ég vil þeim báðu sömu tækifæri í þessu lífi en fyrir stelpurnar mínar er kvennfólk í fullu starfi hjá skattborgurum að gæta þess hvað þær velja eða gera en engin hefur áhuga á stráknum nema í mýflugumynd.

    Nú er svo komið meira segja að 3000 fleiri konur hafa háskólapróf, 25% af strákum á 15 ára aldri geta varla lesið og svona mætti lengi telja, engin hefur áhuga á þessu og þetta er ekki jafnrétti. En feminstar eins og allir þeir sem fá forréttindi munu berjast til að halda þeim.

    Símon H. S.

    Líkar við

  12. Já það er til fólk sem óttast útlendinga. Ég er t.d. dauðhræddur við þetta fólk. Ekki sem persónur, heldur hef ég áhyggjur af áhrifum útlendinga innan Íslensks samfélags og því að við fáum þennan ófögnuð inn í grunnskólana í formi einhverskonar alþjóðarhyggju.
    Ofstæki mannúðarsinna felst fyrst og fremst í því að ganga út frá hugmyndum sem ekki eru í neinu samræmi við þann veruleika sem flestir lifa í en þar er miðlæg sú hugmynd að Íslendingar reyni ávallt sitt besta til að kúga útlendinginn. Ég hef margsinnis bent á dæmi um ofstopafulla nálgun, (auk dæma um tvískinnung, ýkjur og rangfærslur) en þau virðast gleymast jafnóðum. Því er upprifjunar þörf. Hér eru nokkur dæmi um ofstæki mannúðarsinna:
    Orð fólks sem ekki gengst inn á hugmyndafræði mannúðarstefnu lögð út á versta hugsanlega veg
    Pétur Blöndal flokkaður sem útlendingahatari fyrir að flokka matarúthlutun mæðrastyrksnefndar til útlendinga sem tekjuölfun fremur en félagslega aðstoð.
    Guðni Ágústson flokkaður sem rasisti fyrir að segja að Ísland sé fyrir Íslendinga.
    Þór Saari sagður hafa brenglað viðhorf til útlendinga af því að hann var ekki sammála um aðferðir ferðamálaiðnaðarins til að takast á við hörmungar á Þingvöllum tengdar útlendingum.
    Ómar R. Valdimarssyni gerð upp sú skoðun að útlendingar séu ófærir um að læra íslensku því hann telji að “þessir útlendingar lesa hvorterð ekki íslensku blöðin”
    Skúli Jakobsson flokkaður sem ógeðfelldur rassisti fyrir að segja að við þörfnumst ekki júða, niggara eða annara skítaskinna til að lifa og blómstra.
    Guðmundur Franklín Jónsson flokkaður sem útlendingahatatri fyrir að komast svo bjánalega að orði það sé mjög passandi að spítalinn sem Íslendingar reisa í Malví sé nefndur Monkey Bay.
    Kristín Völundardóttir flokkuð sem útlendingahatari fyrir að segja að vísbendingar um að fólk komi til Íslands og stundi “asylum shopping”.

    Ofangreindir Íslendingar flokkaðir þannig með mönnum einsog Breivik, Hitler og Ku Klux Klan

    Mannorðsmorð þykja sjálfsögð ef þau þjóna málstaðnum
    Þekktur aðgerðasinni og áhrifamanneskja skrifar í senn pistil þar sem hún óskar yfirmanni útlendingastofnunar fangelsisvist í erlendu landi og kallar alla Íslendinga þjóðarmorðingja og krossar fingur í von um að gefið verði út viðskiptabann gagnvart Ísrael þrátt fyrir engin rannsókn staðfesti umfram allan vafa meint mannréttindabrot Ísrael gagnvart Palestínu hafi átt sér stað.

    Hugtök á borð við „þrælkun“, „mansal“ og „ofbeldi“ gerð merkingarlaus
    Starfsmannaleiga skilgreind sem vinnuþrælkun.
    Allar starfsmannaleigur lagðar á jöfnu við mannsal. Þetta opinberast m.a. í því að „human trafficking“ er þýtt sem „mansal“.
    Venjuleg vinna við landbúnað og fataframleiðslu skilgreind sem „ofbeldi“ og sett í flokk með líkamsársum, mannráni og þrælkun.Hér sést t.d. http://goo.gl/HO8es hvernig þetta sjúka viðhorf er farið að síast inn í orðræðu alþjóðlegra mannréttindastofnana.
    Talað um þrælkun „sem eitt skýrasta birtingarform vestrænna yfirráða í heiminum almennt.“ Þetta kemur t.d. fram í
    Rannsóknarritgerð Kristínar Loftsdóttur “Ég er ekki með kynþáttafordóma, en…”: en þar kemst hún að þeirri niðurstöðu að Íslendingar séu fordómafullir lygarar.

    Hugmyndir um umfang útlendingahaturs bera keim af vænissýki
    Ranghugmyndir um „menningarlega heimsvaldastefnu“; þ.e. sú skoðun að kaupa vörur frá verksmiðjum sem framleiddar er í skugga ofbeldis sé viðurkennd hegðun í vestrænu samfélagi. Hér er dæmi um það hvernig mannúðarsinnar telja rétt að bregðast við hættunni á „vinnuþrælkun“ en í sumum vestænum löndum hefur þessum lista http://goo.gl/ikdZP verið dreift til vegfarenda þar sem það eru jú við sem kaupum súkkulaði.
    Hryllingsglæpur í Útey og staðalmyndir um múslima eiga sér sömu skýringu; http://goo.gl/0Xh0W þ.e. almennt útlendingahatur.

    Hatur á íslendingum skín í gegnum umræðuna
    Málefnaleg gagnrýni landans á mannúðastefnu alltaf flokkað sem rasismi, vinsæl afgreiðsla á netmiðlum ef íslendingur vogar sér að vera ósammála.
    Áherslan í umfjöllun um útlendingahatur er sú að „venjulegir fólk“ hati. http://goo.gl/PhQsG
    Félagsvísindadeild skilgreinir börn niður fyrir 10 ára sem útlendingahatara. http://goo.gl/hVdHk

    Fórnarlambsvæðing útlendingsins
    Mildari meðferð réttarkerfisins á Íslendingum en útlendingum snúið upp í óréttlæti gegn útlendingum http://goo.gl/vkmxg því með því að stöðva þá ekki strax í glæpasamsærum sínum valdi réttarkerfið þeim tjóni.
    Fullyrðingar (á skjön við staðreyndir) um að öll börn í kakó- og kaffigeiranum séu viljalaus fórnarlömb.
    Aðeins sagður bitamunur en ekki fjár á útlendingakúgun á Íslandi og Færeyjum.
    Talið ægilegt vandamál að atvinnuleysi útlendinga minnkaði hægar en atvinnuleysi íslendinga eftir kreppu enda þótt mun fleiri íslendingar en útlendingar misstu vinnuna við hrunið. Þetta viðhorf kom víða fram á netinu, hér er bent á eitt dæmi: http://goo.gl/v7HFP

    Forréttinda krafist handa útlendingum
    Innanríkisráðherra berst markvisst gegn ímynduðu missrétti Palestínumanna í stað þess að sinna innanríkismálum sinna eigin lands.
    Það að mannréttindasamningar Evrópuráðsins, veita útlendingum að sumu leyti minni vernd en samningar SÞ er talið áhyggjuefni þrátt að Ísland sé ekki þátttakandi í Evrópusambandinu. Um það er fjallað hér http://goo.gl/680ed

    Virðingarleysi gegn Íslendingum sem hafa önnur lífsviðhorf en mannúðarsinnar
    Haldnar ráðstefnur og fundir um meint þjóðarmorð Ísreala án þess að neinum fulltrúa Ísraels sé boðið til umræðunnar.
    Sérstök síða http://www.flickmylife.com/ stofnuð í þeim eina tilgangi að hæðast sérstaklega að Íslendingum og öllu sem tengist menningu þeirra.

    Litið á hefðbundin viðhorf til útlendinga sem kúgunartæki
    Viðbrögðin við gömlu barnaefni http://goo.gl/S0nIY sem elur á hefðbundnum viðhorfum til fólks af ólíkum litarhætti voru nánast eins og um hatursáróður hefði verið að ræða.
    Talað um það sem ægilegt vandamál að börn innflytjenda verði utanveltu í samfélaginu og ófær um að uppfylla þær kröfur sem íslensk menning gerir til ungs fólks. (hvaða kröfur eru það??)

    Yfirvaldstilburðir og ritskoðunarórar
    Gjörningur með fasísku táknmáli og vísunum í frægt bókmenntaverk um eftirlitssamfélag til höfuðs þeim sem halda glæsilegri ímynd Íslands út á við. http://goo.gl/OsbVT
    Húmor tekinn bókstaflega, t.d. var ein auglýsing frá Stöð 2 sögð gera lítið úr fólki frá asíu http://goo.gl/5zRZv

    Búin til fölsk mynd af vandamálum þar sem engin vandamál eru
    Rannsókn sem sýnir örlítið minni aðsókn útlendinga en Íslendinga í nám leiðir til þeirrar niðurstöðu aðnauðsynlegt sé að grípa til aðgerða.

    Þarf fleiri samantektir?
    Þetta eru bara nokkur dæmi en engan veginn tæmandi listi. Ég tók þetta saman bara svo þetta sé til á einum stað næst þegar einhver mannúðarsinninn skilur ekkert hvað átt er við með öfgum og ofstæki. Ef lesendur vilja bæta einhverju við má gera það á umræðukerfinu eða senda mér tölvupóst og ég bæti þá inn í færsluna ef mér þykja ábendingarnar eiga heima hér. Einnig þætti mér gott að fá svör við því hvort lesendur telja svona samantekt gagnlega og hvort þeir telja þörf á að svipaðri samantekt um tvískinnung mannúðarsinna.
    Að lokum skal tekið fram að ég nenni ekki að svara neinum skætingi um að með því að viðurkenna að ofstæki þrífist í mannúðarhreyfingunni sé ég að styðja viðbjóðslegar hótanir eða ofbeldishúmor.

    Líkar við

  13. Bakvísun: …sjúkir en fagrir | Pistlar Evu

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s